Որոնել
Խոսում են էքսպերտները
- 11 views
Մեր կարիերայի ընթացքում, ինչքան էլ ուժեղ ու պրոֆեսիոնալ մեզ զգանք, հաճախ կարիք ենք ունենում ստանալ մի ոգևորող միտք, օրինակ, խոսք ու քաջալերում: Մենք փնտրում ենք մենթորներ, խորհրդատուներ՝ ահագնացող անորոշության պայմաններում առավելագույն ճիշտ քայլերը անելու համար: Հեշտ է սխալվելը, հեշտ է փոքր հաջողությունից գլուխը կորցնելը, ու առավել հեշտ է ձախողվելը: Ոչ ոք հաջողության չի հասել ուղիղ ճանապարհով, հանգիստ ու անհոգ աշխատելով: Վայրիվերումները անխուսափելի են, հաջողության ալիքին անպայման հաջորդում է անհաջողության անկումը, ու հաղթում է նա, ով մշտապես ոգևորում է ինքն իրեն, ուժ է գտնում, ու շարունակում է ճանապարհը: Հաջողությունը դա նպատակակետ չէ, այլ պայքարով լի ճանապարհ:
«Խոսում են էքսպերտները» շարքով ներկայացնում ենք փոքր հարցազրույցներ մեր կողքին ու շրջապատում գտնվող մարդկանց հետ, ովքեր կյանքում հասել են հաջողության իրենց ուժերով, ունեն հաղթողի դրական մտածելակերպ, սիրում են իրենց գործը ու ապրում են լիարժեք ու հետաքրքիր կյանքով: Այս հարցազրույցներում կգտնեք մտքեր, որոնք բացահայտում են հաջողության հասնելու գաղտնիքները, ցույց են տալիս լույսը՝ թունելի վերջում: Ահա այն հարցերը, որոնց պատասխանում են մեր էքսպերտները.
- Ինչու որոշեցիք ընտրել այդ մասնագիտացումը
- Ինչ ճանապարհ եք անցել մինչև ներկա դիրքին (պաշտոնին) հասնելը
- Ովքեր են, ինչ ձեռքերումներ ունեն Ձեր մոտիկ 5 ընկերները
- Ինչպես է սկսվում և ավարտվում ձեր աշխատանքային օրը
- Ինչպես և երբ եք հանգստանում
- Ինչն է կարևոր ձեր մասնագիտության մեջ հաջողության հասնելու համար
- Ովքեր են ոգեշնչել և ոգեշնչում ձեզ հաջողության հասնելու
- Ինչպես կձևակերպեիք ձեր գլխավոր նպատակը և երբ եք որոշել այդ նպատակը
- Ինչ այլ երազանքներ ունեք
- Որն է ձեր հաջորդ քայլը
- Ինչ խորհուրդ կտաք ձեր մասնագիտությունը ընտրած սկսնակներին
Առաջիկայում նախատեսվում է մեր առաջին հարցազրույցի հրապարակումը՝ արագ զարգացող և տարածվող ՍՊԱ կենտրոնների հիմնադիր՝ Աշոտ Պարսյանի հետ:
Հետևեք մեզ՝ նոր գաղափարներ և ոգեշնչման աղբյուրներ բացահայտելու համար:
Copyright 2020. All rights reserved
Designed by Zymphonies